Өнгөрсөн долоодугаар сарын 29-нд Баян-Өлгий аймгийн Засаг дарга Е.Зангарыг үүрэгт ажлаас нь чөлөөлсөн. Үүнээс хойш дөрвөн сар гаруй хугацаанд тус аймаг Засаг даргагүй байгаа ажээ.

Е.Зангарыг малын гоц халдварт өвчний эсрэг дорвитой арга хэмжээ аваагүй буюу ажилдаа хариуцлагагүй хандсан гэх үндэслэлээр огцруулсан юм.

Тэгвэл УИХ-ын гишүүн Б.Бейсен хэвлэлд өгсөн мэдээллээр, энэ сарын 20-нд Баян-Өлгий аймгийн ИТХ хуралдаж, шинэ Засаг даргаа тодруулан Ерөнхий сайдад уламжлахаар болсон байна.