Цагдаагийн байгууллагын 102 тусгай дугаарт энэ оны аравдугаар сарын 26-ны өдөр нийт 2033 дуудлага, мэдээлэл бүртгэгджээ. Үүнээс зөрчлийн шинжтэй 723, гэмт хэргийн шинжтэй 115 дуудлага, мэдээлэл байжээ. Мөн залилангийн 21, хүүхэд, гэр бүлийн хүчирхийллийн 66, хулгайн 18 дуудлага бүртгэгдсэн байна.

Тухайн өдөр 109 хүнийг эрүүлжүүлж, согтуугаар тээврийн хэрэгсэл жолоодсон 83 зөрчлийг илрүүлжээ. Цагдаагийн алба хаагчид нэг хэргийг шуурхай илрүүлж, 75 хэргийг нөхөн илрүүлсэн гэж цагдаагийн байгууллагаас мэдээллээ.