Б.Серикийн улсын заан цолны мялаалгын түрүү бөхийг таван сая төгрөгөөр шагнана
Ардын хувьсгалын 100, 101 жилийн ойн баяр наадмын хүчит бөхийн барилдаанд долоо даван Улсын заан цол хүртсэн Б.Серикийн цолны мялаалга 9 дүгээр сарын 2-нд болох юм.
Цолны мялаалгын хөтөлбөр ёсоор хурдан морины уралдаан, хүчит бөхийн барилдаан, халх сурын харваа, казах үндэсний харилцаа дууны тэмцээн явагдах аж.
Хоёр өдөр үргэлжлэх заан цолны мялаалга наадмын түрүү бөхийг таван сая, хурдан морины түрүү магнайг 1-2 сая, харилцаа дууны тэмцээний ялагчийг гурван сая төгрөгөөр мялаахаар амлажээ.