Баян-Өлгий аймгийн нутгаар энэ сард агаарын дундаж температур -8-12 хэм хүйтэн буюу олон жилийн дундаж орчим байна гэж аймгийн Ус, цаг уур, орчны шинжилгээний төвөөс мэдээллээ. Гэхдээ нэг, хоёр, гуравдугаар арав хоногийн эхэн үе, мөн хоёрдугаар арав хоногийн сүүлчээр агаарын температур олон жилийн дунджаас 4-6 хэмээр сэрүүсэх аж.

Сарын нийлбэр хур тунадас 2-4 мм ба олон жилийн дундаж орчим байх төлөвтэй. Нэгдүгээр арав хоногийн эхэн болон сүүлч, хоёрдугаар арав хоногийн эхэн, дунд үеүдээр ихэнх нутгаар хур тунадас орно. Энэ үеэр салхи зарим газраар 11–13 м/с, түр зуур 13–15 м/с хүрч ширүүсч болзошгүй байна.