Баян-Өлгий аймгийн Цэнгэл сумын Эрүүл мэндийн төвийн дарга К.Өмиргүлийг эрх мэдэл, албан тушаалын байдлаа урвуулан ашиглаж, бусдад давуу байдал бий болгосон гэх үндэслэлээр АТГ-аас шалгаж байгаа аж.

     Энэ талаар түүнээс тодруулахад “Би эрх мэдэл албан тушаалын байдлаа урвуулан ашиглаж, бусдад давуу байдал олгоогүй. Цар тахлын үед эмч, эмнэлгийн ажилчдын хүрэлцээ тааруу байсан учир нэмэлтээр мэргэжлийн хүмүүс ажиллуулсан. Үүнийг бусдад давуу байдал олгосон хэмээн үзэж АТГ-аас шалгаж байгаа. Уг нь би иргэдийнхээ амь нас, эрүүл мэндийн төлөө байж болох бүх аргаа хэрэглэж, бусдыг дайчилсан. Үүнийг хууль хяналтын байгууллага үнэн зөвөөр шийдэж өгнө гэдэгт итгэлтэй байна” гэлээ.