Баян-Өлгий аймгийн Буянт сумын төвд Орон нутгийн хөгжлийн сангийн санхүүжилтээр 150 метр урттай хатуу хучилттай авто зам тавина. Бүтээн байгуулалтын ажлын нийт төсөв 46,7 сая төгрөг бөгөөд замын ажлыг 2022 онд багтаан дуусгах аж.

Тус аймаг нь 13 сумтай. Үүнээс Өлгий, Цэнгэл, Булган, Дэлүүн, Ногооннуур, Сагсай, Бугат сумын төвд хатуу хучилттай зам тавьсан. Харин энэ жил Алтанцөгц, Алтай, Толбо, Буянт суманд хатуу хучилттай зам тавих ажил эхэлж байна.