УИХ-ын чуулганы нэгдсэн хуралдаанаар Монгол Улсыг 2026-2030 онд хөгжүүлэх таван жилийн үндсэн чиглэл батлах тухай тогтоолын төслийг хэлэлцэж байна. УИХ-ын дэд дарга Б.Пүрэвдорж "Г.Занданшатар даргаа танай сайд нар чинь таныг хүндэтгэхгүй, хуралдаа суухгүй байна ш дээ. 6-7-хон сайд сууж байна. Т.Доржханд сайд чинь бүр "Засгаас гарах юм сан" гэчихсэн явж байна лээ" гэсэн юм. Т.Доржханд сайд үүний хариуд "Уг нь өмнөх дөрвөн жилд Б.Пүрэвдорж гишүүн бид хоёр гар нийлж ажилладаг байсан юм. Гэтэл одоо ХҮН намын даргын өмнөөс мэдэгдэл хийдэг болсон байна. Бид хоёр ийм зүйл огт яриагүй. ХҮН нам Үндсэн хуулийн нэмэлт, өөрчлөлтийг манлайлж хийсний хувьд ачаагаа үүрье, Монгол Улс хоёр талдаа хуваагдаж ажил хийдэггүй хий эргэдэг байдлыг зогсооё гээд итгэл үнэмшилтэйгээр Засгийн газарт ажиллаж байгаа" гэв.