Баян-Өлгий аймагт 19 настай эмэгтэйг хөнөөсөн 38 настай Х.Ардабек гэгч нь хэргээ хүлээж, хоёр сарын өмнө цогцсыг булсан газраа зааж өгсөн талаар бид өмнө нь мэдээлсэн билээ.  Тэгвэл хохирогчийн ээж Х.Отгончимэг “Өдрийн сонин”-ын өнөөдрийн дугаарт тус хэргийн талаар ярилцлага өгсөн байна. Тэрээр, “Өнгөрсөн хоёр сар надад хар дарсан зүүд шиг л байлаа. Охиныхоо хэргийн талаар цагдаагаас асуух гээд очихоор намайг ихэнхдээ оруулдаггүй. Зарим тохиолдолд “охин чинь нөхөрт гарчихсан юм биш үү” гэж хэлээд хоорондоо хөхрөлдөж даажигнана. Үрээ алдсан эхийн сэтгэл рүү цагдаа нар ингэж л ус цацсан” хэмээжээ.