Спорт - Баян-Өлгий аймаг http://bayanulgii.nutag.mn/ ru Спорт - Баян-Өлгий аймаг DataLife Engine "Астана дэлхийн цом-2025" тэмцээнээс мөнгөн медаль хүртлээ http://bayanulgii.nutag.mn/index.php?newsid=3196 http://bayanulgii.nutag.mn/index.php?newsid=3196
Казакстан улсын Астана хотноо зохион байгуулагдсан гардан тулааны аварга шалгаруулах "Астана дэлхийн цом-2025"  тэмцээний өөрийгөө хамгаалах төрөлд ДХИС-ийн Онцгой байдлын сургуулийн 633 дугаар дамжааны сонсогч М.Бат-Эрдэнэ 80 кг-ийн жинд мөнгөн медаль хүртлээ.
Тэмцээнд Монгол Улсаа төлөөлөн Дотоод хэргийн их сургуулийн Биеийн тамир, албаны бэлтгэлийн институтийн ахлах багш, дэд хурандаа Х.Оналбек дасгалжуулагчтай 11 тамирчин оролцсон байна. 
Баг тамирчид тус тэмцээний өөрийгөө хамгаалах болон тулааны төрлөөс  2 алт, 4 мөнгө, 7 хүрэл нийт 13 медалийг хүртсэн амжилтыг үзүүлсэн юм. 


]]> zulaa Tue, 21 Oct 2025 09:40:34 +0800 “Khan Cup” 3х3 сагсан бөмбөгийн тэмцээний улсын аваргууд тодорлоо http://bayanulgii.nutag.mn/index.php?newsid=3175 http://bayanulgii.nutag.mn/index.php?newsid=3175
ХААН Банкны нэрэмжит “Khan Cup” 3х3 сагсан бөмбөгийн тэмцээний финалын шат буюу улсын аварга шалгаруулах тэмцээн өнгөрсөн бямба гарагт Үндэсний соёл амралтын хүрээлэнд амжилттай болж өндөрлөлөө. Тус тэмцээнд орон нутгийн таван бүс болон нийслэлээс тодорсон эрэгтэй, эмэгтэй нийт 24 баг аваргын төлөө хурд хүч, авхаалж самбаагаа сорин өрсөлдсөн юм.
Монголын хамгийн том банкны хувьд ХААН Банк нийгмийн хариуцлагын хүрээнд хүүхэд, залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжил, багийн спортыг дэмжих зорилгоор 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбайг байгуулсан бөгөөд жил бүр улсын хэмжээнд энэхүү тэмцээнийг уламжлал болгон зохион байгуулж ирсэн билээ.










Улсын аварга шалгаруулах тэмцээний эрэгтэй ангилалд Дорноговь аймгийн 2-р сургуулийн баг тамирчид тэргүүн байр эзэлж, удаах байруудад Чингэлтэй дүүргийн “Show time” болон Ховд аймгийн “Ховд Азза” багууд шалгарлаа. Харин эмэгтэй ангилалд Чингэлтэй дүүргийн “DIP” баг түрүүлж, Багануур дүүргийн “RAIDS1” болон Сэлэнгэ аймгийн Ерөө сумын багууд хоёр, гуравдугаар байр эзэллээ. Аварга болсон баг тамирчид мөнгөн урамшууллаас гадна өчигдөр Монголын 3х3 сагсан бөмбөгийн шигшээ багтай хамтарсан бэлтгэл хийсэн юм.
Энэ жилийн тэмцээнийг Монголын 3х3 сагсан бөмбөгийн холбоотой хамтран олон улсын стандартын дагуу, илүү өргөн цар хүрээтэйгээр зохион байгуулснаараа онцлог  бөгөөд орон даяар нийт 510 багийн 2000 гаруй хүүхдийг хамруулсан юм.
undefined
ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ. Мөн өнгөрсөн онд Монголын сагсан бөмбөгийн дээд лигийн “Бишрэлт Металл” багтай хамтран ажиллах санамж бичиг байгуулж, ивээн тэтгэгчээр ажиллаж байна.
Спортын өсөлтийг дэмжигч – ХААН Банк
]]> zulaa Wed, 03 Sep 2025 13:13:34 +0800 “Khan Cup” 3х3 сагсан бөмбөгийн тэмцээний ялагчид бямба гарагт тодорно http://bayanulgii.nutag.mn/index.php?newsid=3173 http://bayanulgii.nutag.mn/index.php?newsid=3173
ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний албан ёсны нээлтийн арга хэмжээ Үндэсний соёл амралтын хүрээлэнд өнөөдөр боллоо. Энэхүү нээлтийн ёслолд аймаг аймгаас шалгарсан шилдэг баг тамирчид хүрэлцэн ирснээс гадна ХААН Банкны Гүйцэтгэх захирал, НҮБ-ын Хүүхдийн сангийн үндэсний элч Р.Мөнхтуяа, НҮБ-ын Хүүхдийн сангийн суурин төлөөлөгч Эваристе Коуасси-Комлан болон Монголын 3х3 сагсан бөмбөгийн холбооны Ерөнхий нарийн бичгийн дарга С.Төгсжаргал нар оролцлоо. Мөн ХААН Банк өнгөрсөн оноос ивээн тэтгэн хамтран ажиллаж буй Монголын сагсан бөмбөгийн дээд лигийн “Бишрэлт Металл” багийн тамирчид хүүхдүүдийг дэмжихээр хүрэлцэн ирсэн нь онцлог байлаа.
Үндэсний хэмжээний хамгийн том банкны хувьд ХААН Банк нийгмийн хариуцлагын хүрээнд хүүхэд залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжлийг дэмжих, багийн спортыг хөгжүүлэхэд хувь нэмэр оруулах үүднээс 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбай байгуулсан бөгөөд жил бүр ХААН Банкны нэрэмжит 3х3 сагсан бөмбөгийн тэмцээнийг аймаг бүрд зохион байгуулдаг уламжлалтай болсон билээ. Энэ жилийн хувьд ХААН Банк Монголын 3х3 сагсан бөмбөгийн холбоотой хамтран уг тэмцээнийг олон улсын стандартын дагуу, илүү өргөн цар хүрээнд зохион байгуулж, орон даяар нийт 510 багийн 2000 гаруй хүүхдийг хамруулснаараа онцлог юм.






ХААН Банкны Гүйцэтгэх захирал Р.Мөнхтуяа тэмцээний нээлтийн үеэр “Багийн спорт гэдэг хамтдаа ялалт байгуулах урам зориг, хамтдаа хичээх тэсвэр хатуужил, хамтдаа ялах, ялагдахын сургамжийг өгдөг. Манай банкны уриа үг ХАМТЫН ӨСӨЛТ ТӨГӨЛДӨР. Энэ уриатай багийн спортын зорилго мөн нийцдэг гэж бодож байна. Хамтдаа илүү хол алхана, илүү хүчтэй байна, илүү амжилт үзүүлнэ. Тиймээс бид багийн спортыг дэмжихийг зорьж, түүгээр дамжуулж, хүүхэд залууст хамтдаа олон олон ялалт байгуулж, өсөж хөгжих, эх орныхоо нэрийг тив дэлхийд дуурсгах ирээдүйн аваргуудын өсөж өндийх хөрсийг бэлдэж байна гэж үзэж байна” гэлээ.
ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний ялагчид энэ сарын 29-нд тодрох бөгөөд орон нутгийн 5 бүс болон нийслэлээс шалгарсан нийт эрэгтэй, эмэгтэй 24 баг 8-р сарын 30-нд улсын аваргын төлөө хүч сорих юм.






Тэмцээний нийт шагналын сан 150 сая төгрөг. Бүсийн аварга шалгаруулах тэмцээний 1-р байр 2 сая, 2-р байр 1 сая, 3-р байр 700 мянган төгрөгийн шагналтай бол финалын шатанд аваргын цомын эзэн болох баг 5 сая, 2-р байр 3 сая, 3-р байр 1 сая төгрөгийн шагнал хүртэх юм. Мөн үүнээс гадна ХААН Банк Монголын 3х3 сагсан бөмбөгийн холбоотой хамтын ажиллагааны хүрээнд тэмцээний аварга баг тамирчдыг шигшээ багтай хамтарсан бэлтгэлд хамруулах боломжийг бүрдүүлэх, их дээд сургуульд элсэн суралцахад нь дэмжлэг үзүүлэх зэргээр Монголын сагсан бөмбөгийн спортыг бүх түвшинд тогтвортой дэмжихээр зорьж байна.
ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ.
Спортын өсөлтийг дэмжигч – ХААН Банк
]]> zulaa Thu, 28 Aug 2025 16:29:14 +0800 Ё.Басхүү дутуугаа гүйцээж, 31 насандаа улсын аварга боллоо http://bayanulgii.nutag.mn/index.php?newsid=2953 http://bayanulgii.nutag.mn/index.php?newsid=2953
2025 оны жүдо бөхийн УАШТ-ий хувийн барилдаан Монгол бөхийн өргөөнд хоёр өдөр үргэлжилж өндөрлөлөө.
Жин тус бүрийн аваргуудыг танилцуулья.
Эмэгтэй
  • 48 кг: Ж.Анударь (Женко)
  • 52 кг: М.Нандин-Эрдэнэ (Гүрү дожо)
  • 57 кг: М.Ичинхорлоо (Алдар)
  • 63 кг: Л.Энхрийлэн (Сүлд)
  • 70 кг: Б.Ням-Эрдэнэ (Женко)
  • -78 кг: О.Хүслэн (Сүлд)
  • +78 кг: А.Адъяасүрэн (Алдар)
Эрэгтэй
  • 60 кг: Б.Сүхбат (Женко)
  • 66 кг: Ё.Басхүү (Хилчин)
  • 73 кг: Б.Эрдэнэбаяр (Хилчин)
  • 81 кг: О.Шинэбаяр (Тэмүүжин)
  • 90 кг: Ц.Ган-Эрдэнэ (Хилчин)
  • -100 кг: А.Энхбаяр (Алдар)
  • +100 кг: Б.Гончигсүрэн (Хилчин)
Сонирхолтой нь олимп, дэлхийн аваргад тогтмол оролцож, Монголын нэрийг гаргадаг Ё.Басхүү анх удаагаа улсын аварга боллоо.
Жүдо бөхийн УАШТ өнөөдөр/2024.01.12/ холимог багийн тэмцээнээр үргэлжлэн явагдана.
]]> zulaa Sun, 12 Jan 2025 14:17:47 +0800 Конор Макгрегорыг 1.58 сая доллар төлөхийг тушаажээ http://bayanulgii.nutag.mn/index.php?newsid=2884 http://bayanulgii.nutag.mn/index.php?newsid=2884
Холимог тулааны аварга Конор Макгрегор Дублин хотод хүчингийн хэрэгт буруутгагдаж буй талаар мэдээлж байсан билээ. Тэгвэл шүүхээс түүнийг 1.58 сая ам.долларын хууль эрх зүйн зардлыг барагдуулах шаардлагатай гэж үзсэн байна. Энэ нь өнгөрсөн сард тангарагтны шүүхээс Макгрегорыг 2018 оны Зул сарын баярын үдэшлэгийн дараа Никита Хандыг Дублины зочид буудалд хохироож, танхайрсан гэдгийг тогтоож, 264 мянган ам.долларын хохирол барагдуулахыг тушаасан нэхэмжлэл дээр нэмэгдэж байна.
Түүнчлэн хамтран шүүгчдэгч Жеймс Лоуренс гэм буруугүй болох нь тогтоогдсон тул Ханд түүний өмгөөллийн зардлыг хариуцах ёсгүй гэж тангарагтны шүүх мэдэгджээ.
Лоуренс нь Макгрегорын олон жилийн турш найзалсан хүн бөгөөд хамтарсан өмгөөллийн мэдүүлэг өгсөн. Мэдүүлгийн үеэр тэдний ярьсан зүйл бүгд таарч байсан гэж шүүгч Дублины Дээд шүүхэд тайлагнасан байна. Хэрэв шүүгдэгчдийн мэдүүлэг зөрсөн бол Ханд 420 мянган ам.долларын хуулийн зардлыг өөрөө хариуцаж магадгүй байжээ. Шүүгч Александр Оуэнс хэлэхдээ "Ноён Лоуренс хатагтай Хандын эсрэг өөрийн мэдүүлэгдээ гэм буруугүй гэдгээ баталж чадсан тул хууль, өмгөөллийн зардал гаргах нь зохисгүй" гэв.
Ханд анх иргэний шүүхэд хандахдаа Макгрегор түүнийг хэрцгийгээр хүчиндэж, танхайрсан гэж мэдэгдэж байсан. Хянан шалгалтын дараа Прокурорын захирал эрүүгийн хэрэг үүсгэхгүй гэж шийдвэрлэсэн аж. Хандын өмгөөллийн баг Лоуренс нь хохирогчтой харилцаанд орсноо зөвтгөхийн тулд худал түүх зохиосон гэж мэдэгдэж, гэм буруугүй гэх шийдвэрийг болон Макгрегорт эрүүгийн хэрэг үүсгэхгүй гэдгийг эсэргүүцэж буй. Өмгөөлөгч Реми Фаррел сэтгүүлчдэд хэлэхдээ, давж заалдах магадлал маш өндөр байгааг онцолсон байна. Тиймээс ирэх нэгдүгээр сарын 16-нд Хандын өмгөөллийн багийн хүсэлтийг хэлэлцэх хуралдаан болно.
ЭХ СУРВАЛЖ: GUARDIAN
]]> zulaa Sat, 07 Dec 2024 16:23:29 +0800 ХААН Банкны нэрэмжит 3х3 сагсан бөмбөгийн тэмцээний Дархан-Уул аймгийн шилдгүүд тодорлоо http://bayanulgii.nutag.mn/index.php?newsid=2717 http://bayanulgii.nutag.mn/index.php?newsid=2717 Хурд, хүч, авхаалж самбаагаараа өрсөлдсөн 3х3 сагсан бөмбөгийн тэмцээн орон даяар 16 аймагт ЕБС-ийн 9-12-р ангийн сурагчдын дунд энэ өдрүүдэд ид үргэлжилж байна. ХААН Банк нийгмийн хариуцлагын хүрээнд 30 жилийн ойгоороо хүүхэд залууст бэлэг барьж аймаг бүрд 3х3 сагсан бөмбөгийн стандарт талбай 2021 онд байгуулж өгсөн бөгөөд ХААН Банкны нэрэмжит 3х3 сагсан бөмбөгийн тэмцээнийг орон даяар жил бүр уламжлал болгон зохион байгуулж байгаа билээ. 
Энэ жилийн хувьд НҮБ-ын Хүүхдийн сантай хамтран тусгайлан Дархан-Уул, Сүхбаатар, Хөвсгөл аймгийн сурагчдын дунд 3х3 сагсан бөмбөгийн тэмцээнээс гадна уулзалт, өдөрлөг зохион байгуулж буйгаараа онцлог юм.
Дархан-Уул аймгийн тэмцээнд ахлах ангийн сурагчдаас бүрдсэн нийт 34 баг оролцож, гал авалцсан ширүүн өрсөлдөөн өрнөж, шилдгүүдээ тодруулсан. Тус тэмцээнд эрэгтэй 24 баг, эмэгтэй 10 баг хурд хүч, авхаалж самбаагаа сорин оролцсоноос эрэгтэйчүүдийн ангилалд Дархан-Уул аймгийн Оюуны ирээдүй цогцолбор сургуулийн баг, эмэгтэйчүүдийн ангилалд 15-р сургуулийн баг тус тус тэргүүлсэн юм.
Тэмцээний нээлтэд ХААН Банкны Гүйцэтгэх захирал Р.Мөнхтуяа болон НҮБ-ын Хүүхдийн сангийн Монгол дахь суурин төлөөлөгч Эваристе Коуасси-Комлан нар хүрэлцэн ирж, тоглолтыг үзэж сонирхсон юм. Мөн Монголын Үндэсний дээд лигийн тамирчид болох С.Өрнүүнбилэг, Г.Цэлмэг нар урилгаар очиж тамирчны карьер төлөвлөлт, багийн спортын сэтгэл зүйг хэрхэн бэлтгэх талаар туршлагаасаа хүүхдүүдэд хуваалцаж, илтгэл танилцууллаа. Мөн контент бүтээгч Цогтоо буюу Д.Ганцогт өсвөр насны хүүхдүүдийн сэтгэл зүй, нөхөрлөлийн үнэ цэн, өөрийгөө хайрлах, үнэлэх тухай мэдээлэл өгч, залуу сагсан бөмбөгчдийн асуултад хариулж, чөлөөт ярилцлага өрнүүлсэн юм.
Тэмцээний үеэр ХААН Банкны Гүйцэтгэх захирал Р.Мөнхтуяа “Орон даяар зохион байгуулж буй ХААН Банкны нэрэмжит 3х3 сагсан бөмбөгийн тэмцээн хүүхэд залуусын эрүүл мэнд, спортын амжилтыг дэмжихэд томоохон хувь нэмэр оруулж байгаа гэдэгт итгэлтэй байна. ХААН Банк нийгмийн сайн сайхны төлөөх хариуцлагатай үйл ажиллагаагаа цаашид ч үргэлжлүүлсээр байх болно” хэмээн онцоллоо. НҮБ-ын Хүүхдийн сангийн Монгол дахь суурин төлөөлөгч Эваристе Коуасси-Комлан тэмцээний ач холбогдлыг онцлон “Залуучуудын бие бялдрын хөгжлийг дэмжих спортын арга хэмжээ нь тэдний нийгэмд эзлэх байр суурийг нэмэгдүүлэх, хөгжих боломжийг олгож байгаад баяртай байна" хэмээсэн юм.
ХААН Банкны нэрэмжит 3х3 тэмцээн, уулзалт өдөрлөг Хөвсгөл аймагт 2024 оны 9-р сарын 15-нд, Сүхбаатар аймагт 9-р сарын 22-ны өдөр болох бөгөөд оролцох хүсэлтэй хүүхдүүд дэлгэрэнгүй мэдээллийг аймаг, орон нутаг дахь ХААН Банкны салбараас авах боломжтой.
Ташрамд дурдахад, Монгол Улсын 21 аймаг, Улаанбаатар хотын 8 дүүрэг болон бусад томоохон байршлуудад ХААН Банк олон улсын стандартад нийцсэн 3х3 сагсан бөмбөгийн нийт 31 талбай бүтээн байгуулсан бөгөөд өнгөрсөн хугацаанд сагсан бөмбөг сонирхогч 3600 гаруй хүүхэд, залуус тус тэмцээнд оролцжээ.
Бид нийгмийн сайн сайхны төлөөх үйлсэд үргэлжлүүлэн хувь нэмрээ оруулсаар байна.
Хамтын өсөлт төгөлдөр – ХААН Банк

]]> khulan Mon, 09 Sep 2024 16:00:08 +0800 ХААН Банкны нэрэмжит 3х3 сагсан бөмбөгийн тэмцээн 3 дахь жилдээ болно http://bayanulgii.nutag.mn/index.php?newsid=2708 http://bayanulgii.nutag.mn/index.php?newsid=2708 2021 онд ХААН Банк 30 жилийн ойн хүрээнд нийгмийн хариуцлагыг хэрэгжүүлэгч ХААН Банк сангаараа дамжуулан 21 аймаг, Зүүнхараа, Замын-Үүд болон нийслэлийн найман дүүрэгт 3x3 сагсан бөмбөгийн жишиг талбай байгуулж, иргэддээ бэлэг болгон өргөн барьсан нь спортод дуртай залуусын хувьд шинэ боломжийг нээж өгсөн юм.
Тиймдээ ч ХААН Банк жил бүрийн намар орон нутгийн сагсан бөмбөг сонирхогч залуусын дунд өөрийн нэрэмжит 3х3 сагсан бөмбөгийн тэмцээнийг зохион байгуулдаг уламжлал тогтоосон билээ. Энэ жилийн хувьд, 2024 оны 9 дүгээр сарын 1-нээс 9 дүгээр сарын 22-ны өдрүүдэд 16 аймгийн ЕБС-ийн 9-12 ангийн сурагчдаас бүрдсэн залуу сагсчид, шилдэг багуудын тэмцээн ХААН Банк сангаас байгуулсан 3x3 талбай дээр өрнөх тул сагсан бөмбөгт хайртай хүүхэд залуусыг тэмцээнд оролцохыг урьж байна.
Тэмцээн зохион байгуулах өдрүүдийн хуваарь, багуудын мэдүүлэг болон техникийн зөвлөгөөний мэдээллийг орон нутгийн ХААН Банкны Төв салбаруудаас авах боломжтой.
Тэмцээн болох аймгууд:
  • Хэнтий
  • Зүүнхараа
  • Багахангай /Төв/
  • Баянхонгор
  • Дорноговь
  • Замын-Үүд
  • Дундговь
  • Сэлэнгэ
  • Булган
  • Увс
  • Завхан
  • Говь-Алтай
  • Өвөрхангай
  • Дархан-Уул
  • Сүхбаатар
  • Хөвсгөл
Тэмцээнд оролцох багуудын шаардлага
Зөвхөн орон нутгийн ерөнхий боловсролын сургуулийн 9-12-р ангийн эрэгтэй 2 баг, эмэгтэй 1 баг энэхүү тэмцээнд оролцох боломжтой. Тус тэмцээн нь орон нутгийн хүүхэд залуучуудад спортын авьяасаа харуулах, бие бялдраа хөгжүүлэх, болон найз нөхдийн хүрээнд хөгжилдөх сайхан боломжийг олгох зорилготой. Оролцох баг 3 үндсэн тоглогч, 1 сэлгээний тоглогчтой байхаас гадна, аймаг бүрийн ЕБС-ээс хоёр эрэгтэй, нэг эмэгтэй баг өрсөлдөнө.
Шагналын сан
Эрэгтэй, эмэгтэй баг тус бүрт мөнгөн шагнал, өргөмжлөл, медаль олгох ба шилдэг багууд дараах шагналуудыг хүртэнэ:
  • I байр: 1,000,000 төгрөг
  • II байр: 700,000 төгрөг
  • III байр: 500,000 төгрөг
ХААН Банкны нэрэмжит 3x3 сагсан бөмбөгийн тэмцээн орон нутгийн хүүхэд залууст спортын урам зориг өгч, тэдний ирээдүйн спортын амжилтын эхлэл болдог гэдэгт бид итгэлтэй байна. Тиймээс энэ жилийн тэмцээн ч мөн адил гайхалтай өрнөж, Монгол орны өнцөг булан бүрд спортын баярын уур амьсгал түгэх болно!
Хамтын өсөлт төгөлдөр – ХААН Банк
]]> khulan Wed, 21 Aug 2024 14:45:00 +0800 Олимпизмын сайдын 114 тэрбум төгрөгийн төсөв нь ганц мөнгөн медаль болж байна уу http://bayanulgii.nutag.mn/index.php?newsid=2684 http://bayanulgii.nutag.mn/index.php?newsid=2684
Ерэн онд нийгэм огт өөр нийгмээр солигдох он жилүүдэд Монгол Улс доройтсон. Тийм хэдүй ч Монгол Улс дэлхийн 200 гаруй орны нэг мөн учир олимпод чадах ядахаараа оролцож байлаа. Өрөвдмөөр хэдэн тамирчин, дасгалжуулагч явдаг, зарим үед ганц нэг шагналт байр төдийхөнтэй.
Тэр үед Монгол даяарын баяр болсон 1996 оны Атлантагийн олимпоос жүдо бөхийн төрөлд Нармандах хүрэл медаль хүртэж монголчуудыг сэргээж билээ. Олимп байтугай дэлхийн аваргад ч манайх сураггүй. О.Пүрэвбаатар гэнэт цоорч дэлхийн аваргын мөнгөн медалийн төлөө Канадын бөх Сиссауритай барилдахыг монголчууд шөнөжингөө хүлээн байж үзэж билээ. Олимп, дэлхийн аварга гэдэг тийм л үнэ цэнэтэй ганц медальтай байлаа. Энэ бол шууд утгаараа ядуу орны олон улс дахь дүр зураг байсан юм. Хүн төрөлхтний тал хувь нь дурлан үздэгээрээ Олимп гэдэг бол гайхамшиг. Монгол Улсаа даян дэлхийд тунхаглан харуулж буй нэг боломж бол олимп. Болж өгвөл медалийн тоо, аварга төрүүлж чадвал тэр нь хөгжин дээшилж байгаа улс орон шүү гэдгээ дэлхийд зарлаж буй үйл явц юм.
Бээжингийн олимп бол монголчуудын хувьд гайхамшиг байлаа. Долдугаар сарын 1-ний үндэстний хэмжээний үймээн самууныг намжаасан зүйл бол олимпийн аваргууд төрөн гарсан үзэгдэл. Тэрнээс хойш Монголын тамирчид олимпод сэргэсэн. Олимпоос юун ганц медаль горьдох. “Манай тамирчид хэдэн медальтай, бүр хэдэн аваргатай ирэх вэ” гэсэн бат итгэлтэйгээр олимпоо шимтэн үздэг болсон билээ.
Гэвч энэ удаагийн Парисын олимп Монголыг ямар улс болон хувирч, доошоо орж, ерэн оны эхэн үеийн шилжилтийн үедээ эргэн ирж байгааг харуулсан үйл явц боллоо. 1996 оны олимпод Монгол Улс ганц медалиар 200 улсаас 71-д орж орж байсан бол энэ удаад бүр 74-т оров бололтой. Шулуухан хэлэхэд, Монгол Улс өнөөдөр уруудан доройтож байгаагаа хүн төрөлхтний их баяр Олимпийн наадмаар харууллаа. Ганц мөнгөн медальтай яг л ерэн оны эхэн үеийн гунигт түүх давтагдлаа.
Уг нь улс орон бүрт байдаггүй Олимпизмын сайдтай болж тэрбум тэрбумын төсөв батлан өгч онцгойлон харж үзлээ. Гэвч “Сахил хүртээд шал дордов” гээч боллоо. Олимпизмын сайдтай, яамтай Монгол Улс ичгэвтэр байдалд орлоо.
Парисын олимпод оролцсон бүх тамирчид маань байгалиас заяасан өгөгдөл, авьяас, унаган бяр, мэдрэмжээрээ өрсөлдлөө. Тэрнээс тэдний хэнд нь ч Шинжлэх ухаанч бэлтгэл сургуулилт, судалгаа тооцоолол, сэтгэл зүйн хийгээд биеийн хүчний бэлтгэл, хоол ундны дэглэм, эрдэс, нөхөн сэргээлтийн албан ёсны витамин, тэжээл, сэргэлт байсангүй. Зүгээр л хөдөө сумын адуучин залуу наадамд ногт ганзагалан ирж адуутай ноцолдсон эв дүй, бяр чадлаараа зодоглож байгаатай зүйрлэхээр олимпод оролцсоныг та ч харлаа, би ч харлаа, Монгол даяараа харлаа, харамслаа. Энэ нь монголчууд түүхэндээ анх удаа Олимпийн яамтай, сайдтай болсны “гайхамшигт” үр дүн юм. Монгол Улс олимпод оролцож ирсэн бүх цаг үеийн түүхэндээ ийм өндөр төсөвтэй яам, тусгайлсан Үндэсний хороотой оролцож байгаагүй. Бод доо, 114 тэрбум төгрөгийн төсөвтэй олимпод бэлдлээ. Тус Үндэсний хороо нь 180 ажилтантай байлаа шүү дээ.
Парисын олимпод 34 тамирчин оролцсон бол дагаж очсон дарга нарын тоо 120 байлаа. Тэд зүгээр үзэгчид, аялан зугаалагчид байлаа. Гэтэл бусад орны тамирчдын багт явсан олон хүн ямар үүрэгтэй хүмүүс байсан гээч. Манайтай ойролцоо хөгжиж буй гэхээр улс орнууд, тухайлбал станы орнууд гэхэд өөрийн тамирчдын өрсөлдөгчдийн судалгааг бие бялдрын хөгжил, булчингийн массын нарийвчлал, өндөр намын хэмжээ, мэхний хурдны тооцоолол, гаргах алдаа, амжилт олж мэдэх мэхний тэсрэлт, сэтгэл зүйн төлөв байдал зэргийг нэг бүрээр нь компьютер дээр тооцоолох үүрэгтэй том багтай очсон байх юм. Дэвжээнд гарах тамирчдадаа тултал ойлгуулаад, дасгалжуулж байсныг манай олимпийн багийн тэр олон хүн дотор мэдэж байсан нь бий болов уу.
Бүр тэгж ярьвал Монголоос ганц мөнгөн медаль хүртсэн Баасанхүүгийн бүх талын судалгаан дээр Японы талаас долоон мэргэжилтнээс бүрдсэн баг ажилласан байх жишээтэй. Аваргын төлөөх барилдаанд манай Баасанхүүтэй барилдах Японы тамирчин тэдгээр мэргэжилтнүүдийн байрласан тусгай өрөөнөөс дэвжээ рүү шууд гарсан. Бүх судалгааг япончууд хэдийнэ хийчихсэн, сэтгэл зүйн хувьд Японы тэр тамирчин Олимпийн аварга хэдийнээ болчихсон дэвжээнд гарч ирснийг сүүлд бид мэдлээ.
Бусад орны тамирчид ийм бэлтгэлтэй олимпод оролцож байхад манайх өрөвдөм байлаа. Хөлсний байр дамжин амьдарч, хөдөөнөөс ээжийнхээ явуулсан хонины махнаас өөр хоолгүй, бэртэл гэмтэл дунд шүд зуун бэлтгэл хийж, олимпод дэлхийн томчуудтай яс тас үзэлцэж, цусаа гартал тэмцэлдэн шагналт тавдугаар байранд шалгарч байгаа чөлөөт бөхийн тамирчин Отгонжаргал гэж тэр охиныг хүндлэхгүй байхын арга алга. Үүнээс илүү тэгээд яаж барилд гэж хэлэх юм бэ. Ийм амьдрал ахуйтай, орчин нөхцөлтэй, байгалиасаа заяасан бяр чадал, авьяас билгээрээ дэлхийн томчуудыг айлгаад дэвжээнээс буусан Отгонжаргал шиг олон сайхан охид, хөвгүүд минь олимпийн медалийн төлөө барилдаж мултарлаа. Тэд Монголоос өөр газар төрсөн бол бүгд олимпийн аваргууд.
Мэргэжлийн сэтгэл зүйчгүй олимпийн тамирчин гэж өнөөдөр хаана байгаа юм бэ. Монгол л байна шүү дээ. Ингэж бодохоор тэрхүү олимпийн яам, олимпод бэлдэх Үндэсний хорооны удирдлага, олон тэрбум төгрөгийн төсөв дээр шалгалт оруулах хэрэгтэй. Хуулийн хариуцлага тооцох цаг нэгэнт болж. Яагаад гэвэл ямар үр дүн гарсныг монголчууд бүгд харлаа.
Зөвхөн нэг л барьц, нэг л мэхний сонголттой дэвжээнд гарч ирж зуурч зогссоор торгуулиар ялагдаж байгаа жүдогийн дасгалжуулалт гэж байх ёсгүй. Авсан оноогоо ахиулж барилдах бус хамгаалж, халирч барилдах тактикаар бөхчүүдээ дэвжээнд гаргаж байгаа чөлөөт бөхийн дасгалжуулалт байх ёсгүй. Эцсийн мөч хүртэл ажиллах, тэсрэлт, хурд, мэдрэмж, орон зайн онцгой баримжаа… монголын бөхчүүдээс хаачив. Монгол хүн бүр үзэх дуртай бөхийн төрлүүд сэтгэлд огт хүрсэнгүй. Гэтэл бусад орны бөхчүүдийг хар. Тэдэнд техник, тэсрэлт, сэтгэл зүйн хат, тэвчээр байна. Манайханд өчүүхэн ч алга. Үүнийг мөнөөх л 114 тэрбумаар мэргэжилтнүүд хийх ёстой. Тамирчдаа бэлдэх ёстой. Монголын бөхчүүдээс барилдааны гайхамшигтай төгсгөл харагдсангүй. Газар дээрээсээ галзуу юм тасарч хөдлөөд хоёр км-ийн дараа нам суудаг морь шиг юмнууд байж болохгүй. Ингэж олимпод тамирчдаа бэлдэхгүй ээ. Яг энэ хэвээрээ 2028 онд Лос-Анжелесын олимпод оролцоно гэвэл онигоо. Үргүй зардал, үндэстнээ доромжилсон үйл явц болно. Хамгийн гол нь Монгол Улс хөгжлийн ямар түвшинд яваагаа харуулсан, муугаа мэдрүүлсэн хэрэг явдал болно.
Парисын олимпийг дахин давтахгүйн тулд одоо Монгол Улсын Засгийн газраас олимпийн баг тамирчдын алдаа, оноог онцгойлон дүгнэж цэгнэсэн нээлттэй хурал даруй хийх хэрэгтэй. 114 тэрбумын төсөвтэй Олимпийн сайд, Олимпод бэлдэх Үндэсний хорооны ажлыг шалгах ёстой. Хариуцлагын тооцоог хуулийн хүрээнд хийх ёстой. Ингэхийг монголчууд шаардаж байна. Бид ерэн оны эхэн үеийн шилжилтийн хүнд хэцүү үедээ эргэн очсоноо энэ удаагийн Парисын олимпоор харлаа. Олимпизмын сайдын 114 тэрбум төгрөгийн төсөв нь эцсийн дүндээ ганц мөнгөн медаль болж байгаа нь энэ үү!
 
Б.Нямаа
]]> zulaa Wed, 14 Aug 2024 19:15:40 +0800 ХИЙН ГАР БУУНЫ ТӨРӨЛД МӨНГӨН МЕДАЛЬ ХҮРТСЭН ТУРКИЙН ТАМИРЧИН ТУСГАЙ АЛБАНЫ АЖИЛТАН БАЙЖЭЭ http://bayanulgii.nutag.mn/index.php?newsid=2677 http://bayanulgii.nutag.mn/index.php?newsid=2677
Олимпын хийн гар бууны төрөлд оролцсон тусгай зориулалтын нүдний шил, чихний хамгаалалтгүйгээр нэг гараараа буудсан Туркийн тамирчны зураг, бичлэг цахим сүлжээнд түгж шуугиан дэгдээж байна. Тухайлбал, өдгөө 51 настай Туркийн хийн гар бууны тамирчин Юсуф Дикеч нэг гараараа буудахдаа нөгөө гараа халаасандаа хийн зогсож, “хэтэрхий мэргэжлийн” харагдсан түүнийг кинон дээр гардаг шиг тусгай ажилтан, тагнуулч ч байж болзошгүй гэх мэдээлэл онлайн платформуудаар гарч буй. Тэгвэл үүнтэй холбогдуулан дэлхий даяар шуугиан дэгдээгээд буй анхны олимпын наадамдаа оролцож байгаа Туркийн тамирчин Юсуф Дикечийг танилцуулъя.

ХИЙН ГАР БУУНЫ ТАМИРЧИН ЮСУФ ДИКЕЧ ГЭЖ ХЭН БЭ

Туркийн хийн гар бууны тамирчин Юсуф Дикеч 1973 оны нэгдүгээр сарын 1-нд Туркийн Кахраманмараш хотын Тасолук тосгонд төржээ. Тэрбээр бага сургуулиа Тасолук тосгондоо төгсөж, мужийнхаа Гөксүн хотод дунд боловсрол эзэмшсэн нэгэн юм байна. Улмаар Юсуф Дикеч дунд сургуулиа төгсөөд 1994 онд Анкара дахь Жандармерийн цэргийн сургуульд сурчээ. Цэргийн сургуульд сурч, залуухан офицер болж гарч ирээд тэрбээр Мардин хотод үүрэг гүйцэтгэж байсан бөгөөд тусгай албаны ажиллагаанд оролцдог байсан гэнэ. Харин Юсуф Дикеч цэргийн ажлынхаа зэрэгцээ 2001 оноос буудлагын спортын төрлөөр хичээллэж эхлэн, гавьяаныхаа амралтад гармагцаа буудлагын тамирчин болсон түүхтэй нэгэн юм байна.
Тэрбээр буудлагын спортын анхны амжилтаа 2007 оны Дэлхийн цэргийн наадамд гаргасан бөгөөд ойрын зайн буудлагын төрөлд оролцон мөнгөн медаль хүртжээ. Түүнээс хойш Юсуф Дикеч Туркийн Үндэсний шигшээ баг болон цэргийн шигшээ багийн бүрэлдэхүүнд давхар бэлтгэн тэмцээнд оролцох болсон гэнэ. Улмаар 2013, 2016, 2018 онд Европын цом, 2014 онд дэлхийн аваргад түрүүлж, Туркийнхээ хийн бууны бүх рекордыг эзэмшиж эхэлсэн байна. Харин олимпын наадамд анх удаа оролцож буй “Парис-2024” наадам бөгөөд нүдний шил, чихний хамгаалалтгүйгээр нэг гараараа буудаж байгаа нь Юсуф Дикечийн өөрийнх нь онцгой буудлагын хэв маяг гэнэ.
 
]]> zulaa Thu, 01 Aug 2024 17:12:52 +0800 Б.Баттүшиг: “Парис-2024” олимпын наадмын үеэр тамирчдаа дэмжих, улсаа сурталчлах зорилгоор “Монголиан хаус” эвент хотхон байгуулна http://bayanulgii.nutag.mn/index.php?newsid=2663 http://bayanulgii.nutag.mn/index.php?newsid=2663 Энэ удаагийн дугаарын нэгэн сэдэв нь “Парис-2024 олимпын наадам. Бид Монголын Үндэсний Олимпын Хорооны Ерөнхийлөгч Батболдын Баттүшигийг зочноор урин ярилцлаа. 
Тэрбээр Монголын Үндэсний Олимпын Хорооны Тэргүүн дэд Ерөнхийлөгчөөр 2017, Ерөнхийлөгчөөр 2022 оноос сонгогдон ажиллаж байгаа бөгөөд Олон Улсын Олимпын хорооны гишүүнээр 2020 оноос өнөөг хүртэл ажиллаж байна.
зураг 
- Та бизнесийн салбарын төлөөлөл төдийгүй спорт-олимпизмыг Монголд Улсад түгээн дэлгэрүүлэхэд хувь нэмрээ оруулж буй нийгмийн зүтгэлтэн болжээ. Энэ жил олимпын жил учраас асуухгүй, ярихгүй өнгөрч болохгүй нэг сэдэв бол Олимп. Монголын баг, тамирчдын олимпын амжилтыг хэрхэн төсөөлж байгаа вэ?
- Олимпын өмнө баг, тамирчдын амжилтыг урьдчилан хэлэхээс үнэндээ болгоомжилж байна. Бодит байдлыг дэвэргэх, эсвэл дэгстүүлэх, хүлээлт үүсгэх нь тамирчдад сэтгэлзүйн хувьд эерэг сөрөг, тал талын нөлөө үзүүлдэг. Монгол Улс 1964 оны Токиогийн олимпод анх оролцож эхэлснээс хойш зуны олимпын наадам бүрд амжилтаа ахиулж, олимпын наадамд оролцох тамирчдын тоо, өвлийн олимпын наадамд алгасахгүй оролцсоор ирсэн амжилт давтагдах нь эргэлзээгүй.
Цар тахлын үед ч бид хүнд нөхцөл байдлыг даван туулж, амжилтаа хадгалж “Бээжин-2022” өвлийн олимпын наадамд хоёр тамирчнаа оролцуулсан нь амжилт байсан. Монгол Улс 3,5 сая хүн амтай хэдий ч Олимпын 30 медальтай. Монголоос хамаагүй их хүн амтай зарим улс орны баг, тамирчдаас медалийн тоо, чанараар илүү амжилт үзүүлсэн байдаг. Үүнийг би дэлхийн амжилтын нэг гэж ойлгодог. Монголчууд цаанаасаа спортын авьяастай ард түмэн гэж боддог.
Франц улсад болох энэ удаагийн олимпын наадамд манай багийн эрэгтэй, эмэгтэй тамирчдын тооны харьцаа бараг 50:50 хувьтай байгаа нь Олон Улсын Олимпын Хорооны дэвшүүлж буй жендерийн тэгш байдлын зарчим, НҮБ-ын баримтлалыг бид бодит байдалд хэрэгжүүлж чадаж байгаагийн нэг илрэл юм. Мөн “Парис-2024” олимпын наадмын үеэр Монгол Улсаа дэлхийд сурталчлах томоохон арга хэмжээ төлөвлөн Парис хотын “La Vilette” цэцэрлэгт хүрээлэнд “Монголиан хаус” байгуулж, монгол гэрээ барин тайз засаж, үндэсний өв уламжлал, соёл, ёс заншлаа сурталчлах эвент зохион байгуулах юм.
Бид тэнд монгол гэртээ зочдыг хүлээн авч, Олимпын наадмын 16 хоногт улсаа сурталчилна. Уг эвентүүдийг МҮОХ-ны ажлын хэсэгтэй хамт Модерн Номадс ХХК-ийн М.Есөнмөнх захирал болон Тэнгэр ТВ тэдний баг хамт олон зохион байгуулахаар сүүлийн хэдэн сарын турш уйгагүй ажиллаж байна. Үүнд Монгол Улсын Засгийн газар, НЗДТГ, Соёлын яам, Гадаад харилцааны яам, Монгол Улсаас Бүгд найрамдах Франц улсад суугаа ЭСЯ хамтран зохион байгуулж байна.
Мөн үндэсний агаарын тээвэрлэгч МИАТ компани Монголын багийн олимпын үеийн нислэгийн тийзэнд хөнгөлөлт үзүүлэхийн зэрэгцээ “Парис-2024” Олимпын наадамд оролцох баг тамирчдын спортын хувцас хэрэглэлийг Япон улсаас үнэ төлбөргүй тээвэрлэх асуудлыг шийдвэрлэлээ. Монголын Үндэсний Олимпын Хорооноос санаачлан хэрэгжүүлж буй дэлхий дахинд Монгол  Улсыг сурталчлах “Монголиан Хаус” төсөл болон Монголын баг тамирчдаа  дэмжин хамтран ажиллаж буй  байгууллага, компаниудад чин сэтгэлийн талархал илэрхийлье.
“Монголиан Хаус” хотхондоо Олон Улсын Олимпын Хорооны зуу гаруй гишүүдээс урих төлөвлөгөөтэй байна. Тэдний дунд зарим улсын төрийн тэргүүнүүд, төр засгийн өндөр албан тушаалтнууд, бизнесмэнүүд цөөнгүй бий.
Бидний бас нэгэн том зорилго бол Олон Улсын Олимпын Хорооны 2027 оны чуулганыг, цаашлаад 2030 оны Залуучуудын олимпын наадмыг Монгол Улсад зохион байгуулах саналыг дэвшүүлэх амбиц юм.
Залуучуудын олимпын наадам 2018 онд Аргентин улсад болсон. 2022 оных Африкийн Сенегалд болох байсан ч олимпын наадам зохион байгуулахад бэлэн биш байсан учраас 2026 онд зохион байгуулахаар болсон юм. Тун удахгүй 2030 онд зохион байгуулах улс орнуудын саналыг хүлээж авна. Тийм учраас Монголд залуучуудын олимпын наадам зохион байгуулах боломж, бололцоо байгаа гэж харж байна.
Олимпын наадмыг зохион байгуулахад  нь ямар ч өндөр хөгжилтэй улс оронд эдийн засаг, санхүүгийн ачаалал, дарамт ихтэй байдаг бол залуучуудын олимпын наадмын тамирчдын зардлаас эхлээд бүх зүйлийг зохион байгуулагч тал биш Олон Улсын Олимпын Хороо дэмжиж ажилладаг. Тийм учраас “Монголиан хаус”  төслийн нэг том зорилго нь улсаа сурталчлах, тамирчдаа дэмжих, мөн том арга хэмжээнүүдийг эх орондоо зохион байгуулах эрх авах ажил дээр дэмжлэг авах юм. Тэгж чадвал Хүй долоон худагт ч юм уу улсаас дэмжиж санал болгох газарт нь шинэ цэнгэлдэх хүрээлэн байгуулах, ойролцоо нь тамирчдын хотхон байгуулах бололцоо гарна. Дараа нь тэдгээр хотхон, хорооллыг иргэдэд ипотекийн зээлээр өгөх, дэд бүтцийг тавьж өгөх гэх зэрэг бүтээн байгуулалтыг давхар шийдсэн бусад Олимп хийсэн орнуудын амжилтай жишээ бий. Олимпизм бол зөвхөн спортын хөгжлийг дэмжих бус спортоор дамжуулан тухайн улс орны нийгэм, эдийн засагт ямар үр өгөөжтэй вэ, төр засагт ямар дэмжлэг болох вэ, хүн амын эрүүл мэндийг яаж хамгаалах вэ гэдэгт бодлого, үйл ажиллагааны зорилгоо чиглүүлдэг.
- Та Монголын Үндэсний Олимпын хорооны Ерөнхийлөгч, мөн Олон Улсын Олимпын Хороонд гишүүнээр сонгогдсон. Монголд мэргэжлийн спортын болон олимпизмын үзэл санааны хөгжлийг хэрхэн үнэлж, цаашдын ирээдүйг нь хэрхэн төсөөлж байна вэ?
- Монгол Улс Олон Улсын Олимпын Хорооны гишүүнтэй Азийн цөөхөн улс орны нэг юм. Олон Улсын Олимпын Хорооны дүрэм, Харти, олимпын төрөлд ямар спортыг оруулах, олимп зохион байгуулах эрхийг аль улсад өгөх зэрэгт санал өгөх томоохон Олимпын бодлогын шийдвэр гаргалтад санал өгөх эрхтэй гэсэн үг юм.
Олон Улсын Олимпын Хороо Монгол Улсаас хоёр дахь удаагаа гишүүн сонгосон нь энэ юм. Өмнө нь Ш.Магван гуай 1977-2007 он хүртэл сонгогдон ажиллаж, түүнээс хойш хүндэт гишүүнээр байгааг монголчууд мэдэх байх. Миний бие 2007 оноос хойш 13 жилийн дараа буюу 2020 онд тус хорооны гишүүнээр сонгогдсон. Монголын Үндэсний Олимпын Хорооны тэргүүн дэд Ерөнхийлөгчөөр 2017 оноос, өдгөө ерөнхийлөгчөөр нь сонгогдон ажиллаж буй нийт хугацаандаа нэлээн хэдэн олимпын ард гарчээ.
Монголд спорт нийгмийн том сэдэв болж хараахан чадаагүй л байна. Олимп болохоор л хэдэн тамирчнаа ярьдаг, бусад үед нийтийн биеийн тамир, спорт олон нийтэд хүрдэггүй байсан. Олон улсын тэмцээн зохион байгуулахад үзэгчид цөөн байгаа нь олон нийтийн дунд спорт төдийлөн дэлгэрээгүй байгаагийн нэг илрэл юм. БНСУ, БНХАУ, Япон зэрэг улс орнуудаар жишээлээд харахад тэнд олимпын спортын олон төрөл үндэсний спортын хэмжээнд хөгжсөн байдаг. Ямар нэг тэмцээн боллоо гэхэд хүмүүс ажлаасаа чөлөө аваад ирж үздэг. Тэмцээний заал, талбай үзэгчдээр дүүрсэн байдаг. Гэтэл манайд олон улсын томоохон тэмцээн уралдаан болж байхад үзэгч байдаггүй. Хөдөө орон нутагт зарим спортын төрөл огт хөгжөөгүй, хоёр гурван төрөл арай илүү хөгжсөн байдаг.
Спортын төрлүүд нийтийг хамран биеийн тамир хэлбэрээр эхлээд хөгжиж байж тэр явц дундаас мэргэжлийн тамирчид төрдөг. Ямар гоц гойд авьяастай хүүхэд энэ байдлаас болоод авьяасаа нээж чадахгүй үлдэж байгааг бид мэдэхгүй шүү дээ. Тийм болохоор бид энэ талд илүү анхаарч, Олон Улсын Олимпын Хорооноос хэрэгжүүлж буй олимпын үнэт зүйл болон боловсролын хөтөлбөрийг хэрэгжүүлэх зорилготой байгаа.
Олимпыг хөгжүүлэх боловсролын хөтөлбөр буюу яаж багаар хамтарч ажиллах вэ, яаж ёс зүйг төлөвшүүлэх вэ зэрэг агуулгыг нэвтрүүлнэ гэсэн үг.
Одоогоор орчуулгын шатанд явж байна. Өнөөдөр и-спорт эрчимтэй хөгжиж буйн зэрэгцээ бараг бүх хүүхэд электрон тоглоом, дэлгэцийн хамааралд орчихсон ийм үед тэднийг биеэр хийж гүйцэтгэдэг спортод татах, сурталчлах ёстой. Спорт, биеийн тамир, эрүүл мэндийг яаж уялдаатай авч үзэх вэ, ямар бодлогоор үүнийг бий болгох вэ гэдэг асуудал юм. Монголын Үндэсний Олимпын хороо яагаад өнөөдөр Эх нялхсын эрүүл мэндийн төвтэй, яагаад Олон улсын эмэгтэйчүүдийн байгууллагатай түншлэх гээд байна вэ гэдэг нь учир шалтгаантай.
Олон Улсын Олимпын Хорооны зорилго, үйл ажиллагааны нэг чиглэл бол хүн төрөлхтөнд яаж эрүүл мэндээ хамгаалах вэ, хэрхэн бие бялдрын хувьд эрүүл чийрэг, яаж зөв хооллолтыг дадал хэвшил болгох вэ гэдгийг түгээн дэлгэрүүлэх, НҮБ-ын бодлогын хөтөлбөрүүдтэй уялдуулан хэрэгжүүлэх явдал юм. Энэ нь Olympic Agenda 2020+5 дээр дэлгэрэнгүй орсон байгаа. Ганцхан олимпод тамирчдаа бүртгүүлэх, эрх өгөх асуудал биш юм. Тийм учраас эх орондоо ч үүнийг хэрэгжүүлэх нь зүйтэй гэж бодож байгаа.
- Парисын олимпын дараагаас дахиад шинэ чиглэлд үйл ажиллагаагаа идэвхжүүлнэ гэсэн үг үү?
- Төр, захиргааны байгууллага, хувийн хэвшил, компаниудтай илүү уялдаатай ажиллана. Тухайлбал, нийслэлтэй хамтран цэнгэлдэх хүрээлэн байгуулах ажлыг ярилцаж байна. Залуучуудын олимпын нээлтийг 20 мянган хүнтэй цэнгэлдэх хүрээлэнд хийгээд зогсож баймаар байна. Магадгүй дараа нь дэлхийн хэмжээний дуучин, оддын тоглолтыг тэнд хийж болно. Монгол бол ийм боломжтой улс орон. Одоо Наадам ч болох гэж байна. Иймэрхүү томоохон спорт урлагийн сайхан стадионтой болох цаг нь болсон. Жил бүр олон мянган жуулчид ирэхэд Наадмын билет хайгаад явахгүй Монголчууд ч олноороо Наадмын нээлтээ үзэх боломжтой болно гэж бодож байна.
- Та цаашдын ажил карьераа хэрхэн харж байна вэ. Спортын хөгжил, бизнес хоёроо хослуулах уу, алийг нь түлхүү анхаарах вэ?
- Бизнесийн өсөлт, спортын хөгжлийг хамтад нь харж байна. Ямарваа холбоог удирдан авч явахад сайн бодлогоос гадна төлөвлөсөн, зорьсон ажлыг хийж гүйцэтгэхэд хөрөнгө, санхүүжилт тун чухал байдаг. Тэгэхээр өөрийнхөө зүгээс бизнесээ сайн явуулж байж спортын холбоод, тэмцээн хийхэд ивээн тэтгэх байгууллагууд нэмэгдэж, Олимпын хорооны шинэ үйл ажиллагаа, Монголиа Хаус шиг төслүүд маань амжилттай явна. Үүнд үндэсний компаниудын өсөлт, хөгжил ч чухал нөлөөтэй. Бизнесүүд үр ашигтай, үндэсний компаниуд амжилттай хөгжиж байж тэдгээрийн түншлэл дээр спортын хөгжил урагшилдаг нь бүхий л улс орнуудын жишиг юм. Олон Улсын Олимпын Хороо бол ТОП түнш буюу “The Olympic Partner” гэж дэлхийн компаниудыг түнш болгож, Тоёота, Самсунг, Алибаба гэх мэт хувийн компаниудаас маркетинг түншлэлийн гэрээгээр том хөтөлбөрүүдээ явуулж байгаа.  
“Парис-2024” олимпын үеэр ажиллуулах “Монголиан хаус” хотхоны газрын түрээсийн төлбөрөөс эхлээд зардлууд гарч явсан. Түнш байгууллагууд орж байж энэ ажил маань явж байна. Дээр дурдсан төрийн байгууллагууд дээр нэмээд Хас банк, Скайтел, Моннис, Петровис зэрэг хувийн хэвшлүүд маань Монголиа Хаус төслийг анхнаас нь дэмжиж ажиллаж байна. “Olympic Council of Asia” буюу Азийн Олимпын Зөвлөлийн ерөнхий нарийн бичгийн даргад хүртэл танилцуулж дэмжлэг аваад байна. Мөн бид өөрсдийн бизнесийн үйл ажиллагаанаас спорт холбоод буюу тамирчдыг тогтмол дэмжиж байна. Бид үүгээрээ үлгэр дуурайлал болгон үндэсний компаниудаа спорт, олимпизмын хөгжилд уриалахыг хичээдэг. Тухайлбал, шинэ цэнгэлдэх хүрээлэн байгуулах ажилд ТОП компани, аж ахуйн нэгжүүдийг оролцохыг уриалж байгаа.
 Цаашид олон хувийн хэвшил нэмэгдэнэ гэдэгт итгэлтэй байна. Бид энэ удаа амжилттай зохион байгуулбал, “Харбин-2025” Азийн Өвлийн Наадам, “Милан Кортина-2026” Өвлийн Олимп, “Лос Анжелес-2028” Зуны Олимп дээр үргэлжлүүлэн “Mongolia House” төслөө хийж, Дэлхийн Экспо шиг Монгол улсаа сурталчлах том боломж гэж харж байгаа.
]]> zulaa Wed, 03 Jul 2024 13:32:51 +0800