Нутгийн мэдээ - Баян-Өлгий аймаг

Нутгийн мэдээ - Баян-Өлгий аймаг http://bayanulgii.nutag.mn/ ru Нутгийн мэдээ - Баян-Өлгий аймаг DataLife Engine Баян-Өлгий аймгийн 12 сумын нутаг дэвсгэрийн 319 нэрийг монгол оноосон нэрээр нэрлэнэ http://bayanulgii.nutag.mn/index.php?newsid=3331 http://bayanulgii.nutag.mn/index.php?newsid=3331

Байгаль, орчин хүнс хөдөө аж ахуйн байнгын хорооны өчигдрийн хуралдаанаар тогтоолын хавсралтад нэмэлт, өөрчлөлт]]> zulaa Thu, 16 Apr 2026 10:29:49 +0800 Таван аймгийн 14 суманд бороо орж байна http://bayanulgii.nutag.mn/index.php?newsid=3328 http://bayanulgii.nutag.mn/index.php?newsid=3328 Ус цаг уур орчны шинжилгээний газраас гаргасан мэдээллээр өнөөдрийн 14:00 цагийн байдлаар таван аймгийн 14 суманд бороо орж байна. Тодруулбал Баян-Өлгий, Булган, Увс, Ховд, Хөвсгөл аймгуудад хур тунадас орж байгаа аж.

Баян-Өлгий аймгийн - Баяннуур, Толбо, Өлгий
Булган аймгийн - Сэлэнгэ
Увс аймгийн - Баруунтуруун, Малчин, Наранбулаг, Улаангом, Ховд, Хяргас
Хөвсгөл аймгийн - Хатгал тосгон, Цагаан-Уул
Ховд аймгийн - Ховд /аадар бороо/
Хөвсгөл аймгийн - Баянзүрх /аадар бороо/

Харин Увс аймгийн Зүүнхангай, Цагаанхайрхан, Өмнөговь сумдын нутгаар цас орж байна.

]]> zulaa Tue, 07 Apr 2026 17:41:48 +0800 Баян-Өлгий аймгийн Нэгдсэн эмнэлэг үе солих болон хавдрын мэс засал хийх боломжтой боллоо http://bayanulgii.nutag.mn/index.php?newsid=3324 http://bayanulgii.nutag.mn/index.php?newsid=3324
Монгол Улсын Ерөнхийлөгч Ухнаагийн Хүрэлсүх Баян-Өлгий аймагт ажиллах үеэрээ Нэгдсэн эмнэлгийн нээлтэд оролцлоо. Тэрбээр Ерөнхий сайд байхдаа эмнэлгийн нөхцөл байдалтай танилцаж, улмаар 150 ортой эмнэлэг барих шийдвэр гарган, шавыг нь тавьж, бүтээн байгуулалтыг нь эхлүүлсэн юм.

Өмнөх эмнэлгийн барилга ашиглалтын хугацаа дууссан, агааржуулалтын системгүй, тоног төхөөрөмжүүд хуучирсан, хагалгааны ганцхан өрөөтэй учир яаралтай, төлөвлөгөөт хагалгаанууд хойшлогдох, хугацаа алдах зэрэг тохиолдол олон гардаг байлаа. Цар тахлын улмаас бүтээн байгуулалтын ажил удааширсан ч 2020 онд 4.6 тэрбум төгрөгийн хөрөнгө оруулалтаар Хүүхдийн 50 ортой эмнэлгийг, өнөөдөр 28.5 тэрбум төгрөгийн хөрөнгөөр 100 ортой эмнэлгийг ашиглалтад орууллаа.

Ингэснээр иргэд эрүүл мэндийн чанартай тусламж, үйлчилгээг орон нутагтаа авахаас гадна үе солих болон хавдрын мэс засал зэргийг хийлгэхээр Улаанбаатар хотыг зорих шаардлагагүй болж байгааг Ерөнхийлөгч У.Хүрэлсүх тэмдэглэлээ.

Нэгдсэн эмнэлэг агааржуулалтын нэгдсэн системтэй, нэгдсэн хагалгааны вакуумжуулсан өрөөнүүдтэй болсноор яаралтай болон төлөвлөгөөт хагалгаануудаа зэрэг хийж, эмнэлгийн үйлчилгээ, чанар, аюулгүй байдал, хүртээмж нэмэгдэж байна.Иргэдийнхээ эрүүл мэндийг хамгаалах үйлсэд хүчин зүтгэж байгаа эмнэлгийн удирдлага, хамт олон, бүтээн байгуулалтыг гүйцэтгэсэн “Морин сувд констракшн” компанид Ерөнхийлөгч ард түмнийхээ нэрийн өмнөөс талархал илэрхийллээ. Мөн эмнэлэгт шаардлагатай компьютер томограф, ангиографын аппарат авах хөрөнгийг улсын төсөвт тусгуулахад анхаарна гэдгээ хэллээ.

Баян-Өлгий аймгийн Нэгдсэн эмнэлэг нь 1940 онд 15 ортойгоор “Докторын эмнэлэг” нэртэй байгуулагдсан түүхтэй. Өдгөө 447 ортой, 23 тасаг нэгж, 7 алба, 504 ажилтантай үйл ажиллагаа явуулж байна. Баян-Өлгий аймагт төр, хувийн хэвшлийн 130 эрүүл мэндийн байгууллагад 1,700 гаруй хүн ажилладаг юм.

]]> zulaa Mon, 23 Mar 2026 13:13:20 +0800 Шинэ бүхний эхлэлийн бэлгэдэл Наурызын баяр http://bayanulgii.nutag.mn/index.php?newsid=3323 http://bayanulgii.nutag.mn/index.php?newsid=3323

Хаврын урьтай хамт шинэ эхлэл, гэрэл гэгээ, эв нэгдлийг авчирдаг нэгэн баяр бол Наурыз. Тэгвэл шинэ бүхний эхлэлийн бэлгэдэл Наурызын баяр энэ сарын 22, 23-ны өдрүүдэд тохиож байна.

“Казах түмний үндэсний соёлын төв байгуулна”

Дэлхийн нүүдэлчдийн өв уламжлалыг шингээн түүчээлж ирсэн монголын ард түмэн казахуудын энэ өдрийг 50 гаруй улсын 400 сая хүн урин цагтай золгосон хийгээд алтан нараа шүтэж, дээдэлж ирсний баяр хэмээн хүндэтгэн тэмдэглэдэг байна. Энэ нь өдөр шөнө тэнцэж орчлонгийн нэгэн сайхан улирал золгож буй мөч юм.

Наурызын баяр нь дэлхий нийтээр хэрэглэж буй цаг тооны хуанлигаар гуравдугаар сарын 22-нд буюу өдөр шөнө хоёр тэнцсэн өдөр тохиодог.

НҮБ-ын Ерөнхий Ассамблейн 2010 оны 64 дэх хуралдаанаар Наурызыг олон улсын баяр болгон баталжээ. Улмаар ЮНЕСКО (НҮБ-ын боловсрол, шинжлэх ухаан, урлагийн байгууллага) Наурыз баярыг “Дэлхийн халдашгүй соёлын өв”-д бүртгэсэн байна. Дэлхий дахинд Ойрхи Дорнод, Балканы хойг, Төв Ази, Кавказ зэрэг газар нутгийн 400 сая гаруй хүн Наурызын баярыг тэмдэглэдэг. Тиймдээ ч Наурыз бол шашны баяр бус, байгаль эхтэйгээ хүйн холбоотой хүн төрөлхтний баяр юм.

“Наурыз” гэдэг нь перс гаралтай үг бөгөөд “нау-шинэ”, “рыз- өдөр” буюу “шинэ өдөр” гэсэн утгатай үг юм.

Казахууд нүүдэлчин ард түмэн учраас өвлийн хахир хатуу цагийг өнтэй давж, урин хавартай учран золгосны баяр болгон тэмдэглэдэг. Хаврын урь орж, байгаль дэлхий сэргэн, усны шувууд ирж, мал төллөн, амьтай бүхэн сэргэн цагаан идээ, уураг идэх завшаан тохиодог үед энэ баяр болдгоороо онцлогтой. Шинэ өдөр эхэлж байна гэж үзэх тул “Шинэ он”-ы буюу хаврын баяр ч гэж нэрийдэх нь бий. Тэгвэл өв соёл, уламжлал, ёс заншлаа эрхэмлэн дээдэлж, үеэс үед өвлүүлэн түгээж, хөгжин дэвжиж буй казах түмний Нарны баяр буюу Наурызын баярын хүндэтгэлийн арга хэмжээ Сүхбаатарын талбайд боллоо.

Наурызын баярын нээлтэд Ерөнхий сайд Г.Занданшатар оролцож, хэлсэн үгэндээ “Эх орныхоо өнгөрсөн болон өнөө, ирээдүйн хөгжил, дэвшлийн төлөө хөдөлмөрч казахын ард түмний оруулсан хувь нэмрийг үнэлж баршгүй. Улс орны хөгжлийн бүтээн байгуулалт өрнөсөн газар бүхэнд бусдыг үлгэрлэн уриалан дуудаж чаддаг, алдар, гавьяа амжилтын эзэд билээ.Засгийн газраас үндэстний цөөнхийн хэл, соёлыг хамгаалах, өвлүүлэн уламжлуулахад онцгойлон анхаарч Хос хэлний боловсрол, сургалтын талаар баримтлах чиглэлийг баталсан. Ингэснээр Монгол хэлний тухай хуульд заасны дагуу хос хэлний хөтөлбөр боловсруулан хэрэгжүүлж, казах хүүхэд багачууд хос хэлээр боловсрол эзэмших боломж нээгдсэн” гэлээ. Мөн Сүхбаатар дүүргийн наймдугаар хороонд казах түмний үндэсний соёлын төв байгуулахаар болсныг дуулгасан юм.

“Наурызын баяр бол хавар болж бүх зүйл шинээр ирж байгааг бэлгэддэг”

Дэлхийн 44 улсад хагас тэрбум хүн Наурызын баяр тэмдэглэж байна. Манай улсын 150 мянган казах иргэдийн 40 мянга нь Улаанбаатар хотод ажиллаж, амьдардаг. Үндэсний хувцас, зүүсгэл гоёлоороо гоёсон мянга мянган казах иргэн Наурызын баярын арга хэмжээг үзэж сонирхож, оролцохоор ирж Сүхбаатарын талбайг дүүргэж байлаа. Хээ хуар, цацаг чимэглэлээр гоёсон бүжигчин охид шиг харагдах бүсгүйчүүд нүд алдам сайхан харагдана.

Яахын аргагүй үндэстний соёлын тод илрэл нь үндэсний хувцас, зүүсгэл байдаг гэлтэй. Энэ үеэр казах түмний төлөөлөл Таттекей Мейрам хаврыг угтаж буй сэтгэгдлээ илэрхийлсэн юм.

Тэрээр “Наурызын баяр эрт дээр үеэс уламжлагдан ирсэн бөгөөд Иранаас гаралтай гэж ярьдаг. Социализмын үед тэмдэглэхийг хориглож байсан. Бид хүүхэд байхдаа өргөн дэлгэр тэмдэглэж байгаагүй. Харин зах зээл эхэлснээс хойш өргөн дэлгэр тэмдэглэдэг болсон. Одоо Чингэлтэй дүүрэгт амьдарч байгаа. Улаанбаатар хотод орж ирээд 22 жил амьдарч байна. Манайх гэр бүлийнхээ хүрээнд Наурызын баяраа тэмдэглэдэг. Анхны Наурызын баярыг их сайхан тэмдэглэсэн. Ах дүү, хамаатан саднаараа орж, ахмадууд нь ерөөл айлдаж золгодог. Наурызын баяр бол хавар болж бүх зүйл дэлгэрч, шинээр ирж байгааг бэлгэддэг. Мөн ахмадаа хүндэтгэн золгож, ахмадаасаа ерөөл сонсдог утга учиртай баяр” гэсэн юм.

“Хаврын эхний өдрөө цэвэр цэмцгэр угтахыг эрмэлздэгээрээ цагаан сарын баяртай төстэй”

Наурызын баяр нь олон утга учрыг агуулж, ураг саднаараа учран золгох, сайн шинэ бүхний эхлэлийг бэлгэддэгээрээ Цагаан сарын баяртай төстэй. Цаашлаад Наурызын баярыг угтаж эзэгтэй нар хэд хоногийн өмнөөс гэр орондоо их цэвэрлэгээ хийж, шинэ он буюу хаврын эхний өдрөө цэвэр цэмцгэр угтахыг эрмэлздэгээрээ цагаан сарын өмнө үйлддэг зан үйлтэй нэлээд төстэй. Энэ нь шинэ ондоо хир буртаггүй, ариун орвол тухайн жилдээ тийм сайхан явах болно гэдэг бэлгэдэлтэй салшгүй холбоотой аж. Энэ талаар Хабыл Асемгүл “Наурызын баяраа тэмдэглээд сэтгэл өндөр байна. Би Баян-Өлгий аймгийн Ногооннуур суманд төрж өссөн. Одоо Улаанбаатар хотод ажиллаж амьдардаг. Өнөөдөр үндэсний хувцсаараа гоёх их сайхан байна.

Бид байнга үндэсний хувцас зүүсгэлээ өмсөөд байдаггүй. Бидний хувцас зүүсгэлд маш их утга учир агуулагдаж байдаг. Мөн казах түмэн хаврын баярыг угтаж бүх зүйлсийг цэвэр цэмцгэр байлгахыг хичээдэг” гэлээ.

Наурызын баярт зориулсан арга хэмжээгээр дамжуулан казах түмний зан заншил, өв соёлыг харуулсан төрөл бүрийн бүтээгдэхүүний худалдаа дэлгэсэн байв. Мөн ирсэн зочид хамт зургаа авхуулж, дурсгалын цомгоо нэмэх боломжтой бүргэд шувууд ч байлаа. Наурызын баярыг зорин ирсэн анч бүргэдүүд нь Баян-Өлгий аймгийн Сагсай сумаас гаралтай бөгөөд гурав болон таван настай аж. Ийн байгаль эхтэйгээ хүйн холбоотой хүн төрөлхтний баяр Наурызын баярыг тэмдэглэх нь хүүхэд залуусын хүмүүжилд чухал нөлөөтэй төдийгүй ахмадуудаа хүндэтгэн хайрлаж, тэднийхээ үг, сургаалийг ёсчлон хэрэгжүүлэх өндөр хариуцлага залууст ирдэг байна. Түүнчлэн Наурыз нь хахир өвлийн хүйтнийг өнтэй даван, хаврын урь орж, хүн амьтны зоо тэнийсэн, өдөр шөнө тэнцэн гэрэл гэгээ нэмсний баяр билээ.

Эх сурвалж: “Зууны мэдээ” сонин

]]> zulaa Mon, 23 Mar 2026 11:51:53 +0800 Хүрэн баавгайг хууль бусаар агнасан хэргийг илрүүлжээ http://bayanulgii.nutag.mn/index.php?newsid=3318 http://bayanulgii.nutag.mn/index.php?newsid=3318

Цагдаагийн байгууллагаас 2026 оны нэгдүгээр сард Баян-Өлгий аймгийн Цэнгэл сумын нутаг дахь Монгол-Алтайн нурууны улсын тусгай хамгаалалттай газар нутгаас иргэн “Т” гэгч нь ховор амьтны жагсаалтад багтсан хүрэн баавгайг хууль бусаар агнасан үйлдлийг илрүүлэн, мөрдөн шалгах ажиллагааг явуулж байна. Хүрэн баавгай нь Монгол Улсын Засгийн газрын 2012 оны 07 дугаар тогтоолын нэгдүгээр хавсралтаар баталсан ховор амьтны жагсаалтад багтдаг амьтан юм.

Мөн Засгийн газрын 2023 оны долдугаар сарын 5-ны өдрийн 260 дугаар тогтоолоор баталсан амьтны экологи эдийн засгийн үнэлгээгээр хүрэн баавгайг 12 сая 450 мянган төгрөгөөр үнэлсэн.

Иймд амьтны аймагт учруулсан хохирлыг тухайн амьтны эдийн засгийн үнэлгээг хоёр дахин нэмэгдүүлсэнтэй тэнцэх хэмжээгээр тооцож төлүүлдэг байна.

Монгол Улсын Эрүүгийн хууль-ийн 24.5 дугаар зүйлд зааснаар Улсын тусгай хамгаалалттай газар нутагт зөвшөөрөлгүйгээр амьтан агнах, барих, эсхүл ховор амьтныг тусгай зөвшөөрөлгүйгээр агнах, барих, зориудаар тэжээж гаршуулах, үржүүлэх, тэдгээрийн гаралтай түүхий эдийг хадгалах, худалдах, худалдан авах, тээвэрлэх, гадаад улсад гаргах, ховор амьтны чихмэл болон эд эрхтний цуглуулга хийхийг хориглодог. Дээрх гэмт хэргийг үйлдсэн тохиолдолд таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, нэгээс таван жил хүртэл хугацаагаар зорчих эрхийг хязгаарлах, эсхүл нэгээс таван жил хүртэл хугацаагаар хорих ял шийтгэхээр хуульчилсан байна. Иймд иргэд та бүхэн хууль бусаар ан агнах гэмт хэрэг, зөрчлийн талаар мэдээллийг цагдаагийн байгууллагад шуурхай өгч, байгаль хамгаалах үйлсэд хамтран ажиллахыг уриалж байна.

]]> zulaa Mon, 02 Mar 2026 11:46:01 +0800 Замын хажуу руу машин онхолдож, хавчуулагдсан жолоочийг аварчээ http://bayanulgii.nutag.mn/index.php?newsid=3288 http://bayanulgii.nutag.mn/index.php?newsid=3288
Баян-Өлгий аймгийн Өлгий сумын 10 дугаар багийн задгайд суудлын автомашин автозамын хажуу руу онхолдож нэг хүн хавчуулагдсан гэх дуудлага 12-р сарын 23-ны 06:05 цагт Онцгой байдлын газарт иржээ.

Дуудлагын дагуу тус аймгийн Онцгой байдлын газрын 31 дүгээр ангийн алба хаагчдыг очиход Өлгий сумаас Цагааннуур тосгоны чиглэлд зорчиж явсан иргэн Х-ын “Toyota Crown” суудлын автомашин автозамын хажуу руу онхолдож, автомашинд зорчиж явсан 27 настай эрэгтэй А хавчуулагдсан байсныг эсэн мэнд гаргажээ.

Осолдсон иргэнийг аймгийн Нэгдсэн эмнэлгийн Яаралтай тусламжийн үзүүлж, Цагдаагийн газрын мөрдөгчид тус тус хүлээлгэн өгсөн гэж ОБЕГ-аас мэдээллээ.

]]> zulaa Thu, 25 Dec 2025 16:58:11 +0800 Баян-Өлгийн Засаг дарга Е.Зангар ирвэс агнасан хэргээр яллагдагчаар татагджээ http://bayanulgii.nutag.mn/index.php?newsid=3284 http://bayanulgii.nutag.mn/index.php?newsid=3284

Баян-Өлгий аймгийн Улаанхус сумын нутаг төрийн тахилгат Алтай Таван Богдын бэл болох "Их ойгор" гэх газраас цоохор ирвэс агнасан хэрэг гарсан. Тэгвэл "тус цоохор ирвэсийг агнахад тусалж, дэмжлэг үзүүлсэн этгээд Баян-Өлгий аймгийн нэр бүхий албан тушаалтан байж болзошгүй" гэх мэдээлэл цахим орчноор түгсэн.

Тус аймгийн прокурорын газраас хамжигч этгээдийг яллагдагчаар татах хүсэлт гаргасан бөгөөд нэр, албан тушаал нь тодорхой болсон байна. Дархан цаазат газраас хориотой ан хийсэн этгээдэд заавар, зөвлөгөө өгч байсан хүн нь тус аймгийн засаг дарга Е.Зангар хэмээн прокурорын газар үзжээ. Улаанхус сумын иргэн "Б" энэ оны есдүгээр сарын 6-ны өдөр тухайн хууль бус анг хийсэн байна. Түүнчлэн иргэн "Т" дамжуулж өгчээ. Иргэн "Т" нь засаг дарга Е.Зангартай цахим хаягаар холбогдож агнасан цоохор ирвэсээ яах эсэхээр бичсэн нь яллагдагчаар татсан прокурорын бичигт нотлох баримт болон үлджээ.

Хэргийн талаар Баян-Өлгий аймгийн засаг дарга Е.Зангар "Хавтаст хэрэгтэй огт танилцаагүй байна. Өөрийн хүсэлтээр танилцах хүсэлт гаргасан, албан ёсны хариу ирээгүй. Цагдаагийн газраас хэрэгт холбогдуулан биеийн байцаалт авсан. Хэрэгтэй танилцъя гэхэд прокуророос хүсэлт авах ёстой гэсэн. Тийм учраас хүсэлтэй өгсөн. Миний хувьд ангийн төрлийн ямар нэгэн сонирхол байхгүй. Тус хэрэгтэй холбоотой байх үндэслэлгүй хүн" гэсэн юм.

Харин прокурорын газраас "сэжигтэн Е.Зангарыг дуудан ирүүлж, эрүүгийн хэрэг үүсгэн яллагдагчаар татах тушаалыг нэн даруй танилцуулж мэдүүлэг авахыг аймгийн Цагдаагийн газрын, мөрдөн байцаах тасгийн мөрдөгчдөд даалгасугай. Мөн Монгол Улсын эрүүгийн хуульд зааснаар ял оноох, ялаас чөлөөлөх, эсхүл албадлагын арга хэмжээ тооцох үндэслэл бий гэдгийг танилцуулсугай" гэжээ.

https://eguur.mn/644924/

]]> zulaa Mon, 15 Dec 2025 09:48:36 +0800 Баян-Өлгий, Увс, Ховдын ихэнх нутгаар зудын эрсдэл үүсэх төлөвтэй байна http://bayanulgii.nutag.mn/index.php?newsid=3248 http://bayanulgii.nutag.mn/index.php?newsid=3248 Ус цаг уур, орчны судалгаа, мэдээллийн хүрээлэнгээс арваннэгдүгээр сарын зудын урьдчилсан төлөвийг газрын ажиглалтын болон хиймэл дагуулын мэдээ болох ган, зуншлага, 2025-2026 оны өвөл-хаврын бэлчээрийн даац, бэлчээрийн ургац, агаарын температур, хур тунадасны дундажтай харьцуулсан хазайлт, цасны зузаан болон 11 дүгээр сарын агаарын температур, хур тунадасны урьдчилсан төлөв зэрэг мэдээлэлд үндэслэн боловсрууллаа.

Зудын урьдчилсан төлөвөөс харахад мал өвөлжилт нийт нутгийн 2 хувьд нэн их, 16 хувьд их, 36 хувьд дунд, 29 хувьд бага, 17 хувьд хүндрэлгүй байхаар байна. Өөрөөр хэлбэл, Баян-Өлгий, Увс, Ховдын ихэнх, Хөвсгөл, Өвөрхангай, Архангай, Баянхонгор, Төвийн зарим нутгаар зудын хүндрэл/эрсдэл үүсэх төлөв гарчээ.

Иймд мал өвөлжилт хүндэрч болзошгүй бүс нутгуудад анхаарч Цаг уурын байгууллагаас гаргадаг богино, дунд, урт хугацааны цаг агаарын урьдчилсан мэдээ болон тухай бүр шинэчлэн гаргах зудын урьдчилсан төлөвийн мэдээг тогтмол авч ашиглах, цагийн байдал хүндэрсэн үед авч хэрэгжүүлэх арга хэмжээний урьдчилсан бэлтгэлийг эртнээс бүрэн хангаж ажиллахыг зөвлөж байна.

Эх сурвалж: Ус цаг уур, орчны судалгаа мэдээллийн хүрээлэн Хөдөө аж ахуйн цаг уурын судалгааны хэлтэс

]]> zulaa Fri, 14 Nov 2025 11:50:48 +0800 Баян-Өлгий аймагт Гэр бүл, хөдөлмөр, нийгмийн хамгааллын салбарын нээлттэй өдөрлөг болж байна http://bayanulgii.nutag.mn/index.php?newsid=3240 http://bayanulgii.nutag.mn/index.php?newsid=3240

Баян-Өлгий аймгийн Өлгий хотод өнөөдөр Гэр бүл, хөдөлмөр, нийгмийн хамгааллын салбарын баруун бүсийн өдөрлөг нээлтээ хийлээ.

Гэр бүл, хөдөлмөр, нийгмийн хамгааллын яам 2025 оныг хөгжлийн бэрхшээлтэй иргэдийн хөдөлмөр эрхлэлтийг дэмжих жил болгон зарлаж, хөдөө, орон нутагт “Хамгийн сайн халамж хөдөлмөр эрхлэлт” уриан дор хөгжлийн бэрхшээлтэй хүний хөдөлмөр эрхлэлтийг дэмжих цогц арга хэмжээг зохион байгуулж буй. Тус арга хэмжээг өнгөрсөн хугацаанд Хөвсгөл, Дундговь аймагт амжилттай зохион байгуулсан.

Энэ удаа баруун бүсийн аймгийнханд нийгмийн хамгааллын салбар дундаа хөгжлийн бэрхшээлтэй иргэдийн хөдөлмөр эрхлэлтийн талаарх цогц мэдээллийг өгөхөөр яамны харьяа агентлагуудын /Нийгмийн даатгалын Ерөнхий газар, Хөдөлмөр, халамжийн үйлчилгээний Ерөнхий газар, Хүүхэд, гэр бүлийн хөгжил, хамгааллын Ерөнхий газар/ алба хаагчид иргэдэд нээлттэй мэдээлэл, зөвлөгөө өгч байна.

Мөн өдөрлөгийн үеэр хөгжлийн бэрхшээлтэй иргэд, хөгжлийн бэрхшээлтэй хүүхдээ асран хамгаалдаг эцэг эхчүүдийн эрхэлж буй бизнесийг сурталчлах, дэмжих, төрийн үйлчилгээг иргэдэд нэг дороос хүргэх баруун бүсийн “Ability expo” арга хэмжээ зохион байгуулагдаж байна. Уг арга хэмжээнд Увс, Баян-Өлгий, Завхан, Ховд, Говь-Алтай аймгийн модон эдлэл, оёдол, сүү цагаан идээ, хүнсний бүтээгдэхүүн, бэлэг дурсгал үйлдвэрлэдэг 90 гаруй хувиараа хөдөлмөр эрхлэгчид бүтээлээрээ оролцож байна.

]]> zulaa Mon, 10 Nov 2025 10:56:35 +0800 Баян-Өлгий, Увс, Ховдын ихэнх нутгаар зудын хүндрэл үүсэх эрсдэлтэй байна http://bayanulgii.nutag.mn/index.php?newsid=3231 http://bayanulgii.nutag.mn/index.php?newsid=3231

Ус цаг уур, орчны судалгаа, мэдээллийн хүрээлэнгээс арваннэгдүгээр сарын зудын урьдчилсан төлөвийг танилцууллаа.

Зудын урьдчилсан төлөвөөс харахад мал өвөлжилт нийт нутгийн хоёр хувьд нэн их, 16 хувьд их, 36 хувьд дунд, 29 хувьд бага, 17 хувьд хүндрэлгүй байхаар байна. Тухайлбал, Баян-Өлгий, Увс, Ховдын ихэнх, Хөвсгөл, Өвөрхангай, Архангай, Баянхонгор, Төвийн зарим нутгаар зудын хүндрэл, эрсдэл үүсэх төлөвтэй байгаа аж.

Иймд мал өвөлжилт хүндэрч болзошгүй бүс нутгуудад анхаарч цаг уурын байгууллагаас гаргадаг цаг агаарын урьдчилсан мэдээг авч, бэлтгэлтэй байхыг Цаг уур, орчны шинжилгээний газраас мэдээллээ.

]]> zulaa Wed, 05 Nov 2025 13:23:23 +0800